SECCIONES
ARMENIA
LOCALES
DIÁSPORA
UGAB
INSTITUCIONES
EMPRENDIMIENTOS Y PYMES
OPINION
AGENDA
SOCIALES
Temp.: -
Hum.: -
Viernes 29 de Marzo - Buenos Aires - Argentina
PREMIO MEJOR MEDIO DE PRENSA PUBLICADO EN LENGUA EXTRANJERA - MINISTERIO DE LA DIASPORA DE ARMENIA 2015
UGAB - Վաչե և Թամար Մանուկյաններ
ՀԲԸՄ-ն մեկ միլիոն դոլար տարեվերջյան նվիրատվություն է ստանում
23 de Diciembre de 2021

vache y tamar manoukian

Դեկտեմբեր 2021

Հավատարիմ ՀԲԸ Միության առաքելությանն իրենց ցուցաբերած շարունակական աջակցությանը՝ ՀԲԸՄ Հոգաբարձուների խորհրդի նախագահ Վաչե Մանուկյանը և նրա տիկին Թամար Մանուկյանը հայտարարել են մեկ միլիոն դոլար տարեվերջյան նվիրատվության մասին՝ հաջակցություն կազմակերպության ծրագրերի և գործունեության ընդլայնման: 

Արձագանքելով հայտարարությանը՝ ՀԲԸՄ նախագահ Պերճ Սեդրակյանը նշել է. «Գաղտնիք չէ, որ Մանուկյանների առատաձեռնությունը բխում է ոչ միայն նրանց՝ որպես հպարտ հայերի և նվիրված մարդասերների սրտի խորքից, այլ նաև ռազմավարական նկատառումներից: Ձեռքը մշտապես ժամանակի զարկերակին՝ նրանք կարողանում են ճիշտ գնահատել կարիքները, որսալ պահը և ապահովել ապագան: Մենք երախտապարտ ենք Մանուկյաններին և մեր բոլոր դոնորներին, առանց որոնց աջակցության ՀԲԸՄ-ն չէր կարող բարեհաջող իրականացնել իր առաքելությունը»:

Լիբանանում ծնված և բազմաթիվ երկրներում բիզնեսներ ղեկավարող Վաչե Մանուկյանը բարեսիրության անկեղծ մղումը ժառանգել է իր ընտանիքից և հիմնել բարեգործական նախաձեռնությունների կայացած ավանդույթներ ողջ աշխարհում: Իր տիկնոջ հետ միասին նա երկար տարիներ աջակցել է Հայ Եկեղեցու գործունեության և ընդհանրապես հայկական շահերի խթանմանը: Նրանց բարեգործության ոգին տարածվել է բազմաթիվ նախաձեռնությունների վրա, ընդ որում՝ ի շահ ոչ միայն հայության, այլև միջազգային ավելի լայն հանրության՝ նրանց աջակցությամբ իրականացված խոշոր մարդասիրական, կրթական, մշակութային ու կրոնական ծրագրերի միջոցով:

 Հայկական բարեգործական ընդհանուր միությունը (ՀԲԸՄ) սփյուռքի հնագույն, համաժողովրդական և համահայկական կազմակերպությունն է: Հիմնված լինելով 1906 թվականին՝ ՀԲԸՄ-ի գլխամասային գրասենյակը գտնվում է Նյու Յորքում: ՀԲԸՄ-ը կրթական, մշակութային և մարդասիրական ծրագրերի միջոցով պահպանում և զարգացնում է հայկական ինքնությունն ու ժառանգությունը՝ յուրաքանչյուր տարի ազդեցություն ունենալով աշխարհով մեկ սփռված շուրջ 500,000 հայերի կյանքի վրա:

 

ՀԲԸՄ-ի և իր աշխարհասփյուռ ծրագրերի մասին հավելյալ տեղեկություն ստանալու համար կարող եք այցելել՝ www.agbu.org:

Más leídas