SECCIONES
ARMENIA
LOCALES
DIÁSPORA
UGAB
INSTITUCIONES
EMPRENDIMIENTOS Y PYMES
OPINION
AGENDA
SOCIALES
Temp.: -
Hum.: -
Sábado 18 de Mayo - Buenos Aires - Argentina
PREMIO MEJOR MEDIO DE PRENSA PUBLICADO EN LENGUA EXTRANJERA - MINISTERIO DE LA DIASPORA DE ARMENIA 2015
Locales - «Ադրբեջան՝ մարդասպան»
Արգենտինայի հայ համայնքի բողոքի ցույցը՝ Ադրբեջանի դեսպանատան դիմաց
09 de Octubre de 2023

Արգենտինայի հայ համայնքը բողոքի ցույց է կազմակերպել՝ ջանալով իրազկել օտարազգի հանրությանը, թե ինչ է կատարվում Արցախում, Ադրբեջանը պատերազմական ինչպիսի հանցագործություններ է իրականացրել Արցախում ու շարունակում է ցեղասպան քաղաքականությունը։

Արգենտինայի հայերը, «Ադրբեջան՝ մարդասպան», «Թուրքական ցեղասպանությունը շարունակում է Ադրբեջանը», «120 հազար արցախցի ենթարկել է էթնիկ զտման» գրություններով պաստառները ձեռքներին, պահանջում են պատասխանատվության ենթարկել ահաբեկիչ Ադրբեջանին։

Արգենտինայի Հանրապետության հայկական հաստատությունների (IARA) նախագահ Ալեխանդրո Կալփաքյանն ընթերցել է հայ համայնքի ելույթը՝ դատապարտելով Ադրբեջանի կողմից Արցախի հայ խաղաղ բնակչության էթնիկ զտումները:

«Մեր հայրենակիցներն ապրել և ապրում են իրենց կյանքի ամենավատ օրերը Սումգայիթի, Բաքվի և Կիրովաբադի ջարդերից հետո: Ադրբեջանը չհարգեց 2020 թվականի նոյեմբերի 9-ին ստորագրված պայմանագիրը և 2022 թվականի դեկտեմբերի 12-ին արգելափակվեց Լաչինի միջանցքը՝ միակ ճանապարհը, որը կապում է Հայաստանը Լեռնային Ղարաբաղին: Ադրբեջանի նախագահ Ալիևի ռեժիմը չի հարգել նաև ՄԱԿ-ի Արդարադատության միջազգային դատարանի 2023 թվականի փետրվարի 22-ի որոշումը՝ Լաչինի միջանցքով տեղաշարժն ապահովելու վերաբերյալ»,-ասել է նա:

Ռամկավար Ազատական Կուսակցության Հարավային Ամերիկայի «Սարդարապատ» պաշտոնաթերթի խմբագիր Սուզան Նահապետեանը Azg.am-ին է տրամադրել լուսանկարներ՝ բողոքի ցույցից։

Más leídas