SECCIONES
ARMENIA
LOCALES
DIÁSPORA
UGAB
INSTITUCIONES
EMPRENDIMIENTOS Y PYMES
OPINION
AGENDA
SOCIALES
Temp.: -
Hum.: -
Viernes 29 de Marzo - Buenos Aires - Argentina
PREMIO MEJOR MEDIO DE PRENSA PUBLICADO EN LENGUA EXTRANJERA - MINISTERIO DE LA DIASPORA DE ARMENIA 2015
Diáspora
ԲԱՑ ՆԱՄԱԿ ՀՀ ԱՐՏԱՔԻՆ ԳՈՐԾՈՑ ՆԱԽԱՐԱՐ ԱՐԱ ԱՅՎԱԶԵԱՆԻՆ
27 de Febrero de 2021

 

ԲԱՑ ՆԱՄԱԿ ՀՀ ԱՐՏԱՔԻՆ ԳՈՐԾՈՑ ՆԱԽԱՐԱՐ ԱՐԱ ԱՅՎԱԶԵԱՆԻՆ

 

ԱՄՆ նոր վարչակազմի կազմութիւնը և ԱՄՆ Քոնկրէսի 117-րդ նստաշրջանի մեկնարկը, Արցախի դէմ սանձազերծուած Թուրքիոյ և Ատրպէյճանի վեցշաբաթեայ պատերազմի լոյսին տակ, առիթներ են նոր հնարաւորութեան՝ խթանելու ԱՄՆ-Հայաստան յարաբերութիւնները, արծարծելու ատրպէյճանա-թրքկան յարձակողապաշտութիւնը, աջակցելու Արցախի անվտանգութեան և իրականացնելու հայ ժողովրդի ազգային և ժողովրդավարական ձգտումները:

 

Հայաստանի Հանրապետութիւնը - յանձինս իր դիվանագիտական ​​ներկայացուցչութեան - և ամերիկահայ համայնքը, որպէս մեր գերտէրութեան քաղաքացիներ, իւրաքանչիւրը այս գծով կենսական դեր ունի: Իր հերթին, Հայաստանը բարեբախտութիւնը ունի, որ Ուաշինկթոնի մէջ ներկայացուած երկար տարիներու փորձ ունեցող ու ձեռնհաս դեսպանով` միջազգային դիւանագիտական բարձրագոյն մակարդակներու վրայ արդիւնաւէտ կերպով առաջ տանելու Հայաստանի Հանրապետութեան ազգային շահերը: Դեսպանն ու անոր արհեստավարժ թիմը դրական գնահատանքի արժանացած են ԱՄՆ իրենց գործընկերներու, ամերիկահայ համայնքի կազմակերպութիւններու լայն շրջանակի և Ուաշինկթոնի արտաքին քաղաքական դէմքերու կողմէ:

 

Որպէս ամերիկեան քաղաքացիական հասարակութեան մէջ խորապէս ընդելուզուած և ԱՄՆ կառավարութեան հետ աշխատելու հարիւրամեայ փորձ ունեցող համայնք, մենք անկախ Հայաստանի վերածնունդէն ի վեր նախանձախնդիր եղած ենք, որ Հայաստանի Հանրապետութեան միջազգային դիւանագիտական ​​ներգրաւուածութեան աստիճանը վեր պահել մեր հայրենիքի ներքին քաղաքական իրադարձութիւններէն: Վտանգը պարզապէս չափազանց մեծ է արտասահմանի մէջ դիւանագէտներ նշանակելու հարցով առաջնորդուիլ բացի մասնագիտական հմտութիւններու չափանիշէն: Կուսակցական կամ հատուածական անհանգստութիւններ - որոնք այսօր ակներեւ են Երևանի մէջ- երբեք առիթ պէտք չէ հանդիսանան  արտերկրի մէջ Հայաստանի ներկայացուածութեան նշանակումի համար: Քաղաքականութիւնը պէտք է, ինչպէս կ'ըսեն, աւարտի ջուրի եզրին:nknk

 

Այս ծիրին մէջ, յատկապէս վճռական այս պահուն, մենք խստօրէն և բացահայտօրէն դէմ ենք պառակտիչ եւ դիւանագիտական ոչ մէկ փորձ ունեցող Լիլիթ Մակունցի նշանակման անպատասխանատու որոշումին, իբրեւ փոխարինող ԱՄՆի մօտ ՀՀ դեսպան Վարուժան Ներսիսեանին: Սոյն նամակով կը պահանջենք, որ բեկանէք զայն առաջադրելու որոշումը և մեր սեփական կառավարութեան կը յայտնենք անոր ունակունութիւններու հանդէպ մեր ունեցած վերապահումները:

 

ՀՅԴ Կեդրոնական Վարչութիւն                                       ՌԱԿ Արեւելեան Ամերիկայի

Արեւելեան Ամերիկայի                                                      Շրջանային Վարչութիւն

                               

Փետրուար 26, 2021

 

Más leídas