Armenia -
Արցախ
Հայաստանի, Ռուսաստանի և Ադրբեջանի ղեկաւարները պատերազմը ժամը 01.00-ից դադարեցնելու մասին հայտարարություն են ստորագրել
09 de Noviembre de 2020
ԵՐԵՒԱՆ, 10 ՆՈՅԵՄԲԵՐԻ, ԱՐՄԵՆՊՐԵՍ։ ՀՀ վարչապետ Նիկոլ Փաշինեյանը ֆեյսբուքի իր էջում գրել է, որ Ռուսաստանի եւ Ադրբեջանի նախագահների հետ ղարաբաղեան պատերազմը ժամը 01.00-ից դադարեցնելու մասին յայտարարութիւն է ստորագրել:
Ինչպէս յայտնում է «Արմենպրես»-ը, վարչապետը գրել է․
«Սիրելի հայրենակիցներ, քոյրեր եւ եղբայրներ. անձամբ իմ եւ բոլորիս համար ծանր, չափազանց ծանր որոշում եմ կայացրել:
Ռուսաստանի եւ Ադրբեջանի նախագահների հետ ղարաբաղեան պատերազմը ժամը 01.00-ից դադարեցնելու մասին յայտարարութիւն եմ ստորագրել: Հայտարարության տեքստը, որ արդէն հրապարակուել է, անասելի ցաւօտ է անձամբ ինձ եւ մեր ժողովրդի համար:
Այդ որոշումը կայացրել եմ ռազմական իրադրութեան խորը վերլուծութեան եւ այդ իրադրութեանը ամենալաւը տիրապետող մարդկանց գնահատականի արդիւնքում: Նաեւ հիմնվելով այն համոզմունքի վրայ, որ ստեղծուած իրավիճակում սա հնարաւոր ամենալաւ հանգուցալուծումն է: Այս ամէնի մասին առաջիկայ օրերին հանդէս կգամ մանրամասն ուղերձով:
Սա հաղթանակ չէ, բայց չկայ պարտութիւն, քանի դեռ ինքդ քեզ պարտուած չես ճանաչել: Մենք մեզ երբէք պարտուած չենք ճանաչի եւ սա պետք է դառնայ մեր ազգային համախմբման, վերածննդի դարաշրջանի մեկնարկ:
Մենք պէտք է վերլուծենք մեր անկախութեան տարիները, մեր ապագան պլանավորելու եւ անցեալի սխալները չկրկնելու համար:
Ծնկի եմ իջնում մեր բոլոր նահատակների առաջ: Խոնարհվում եմ մեր բոլոր այն զինուրների, սպաների, գեներալների, կամաւորների առաջ, ովքեր իրենց կեանքով են պաշտպանել ու պաշտպանում հայրենիքը: Նրանք իրենց անձնուրացութեամբ փրկել են արցախահայութեանը:
Մենք պայքարեցինք մինչեւ վերջ: Եւ մենք յաղթելու ենք: Արցախը կանգուն է:
Կեցցէ՛ Հայաստանը: Կեցցէ՛ Արցախը»::
Más leídas